110 йиллик дерби олдидан Конте нималар деди?

Унда мураббий бошланғич таркибни танлашда нималарга аҳамият беришини айтди. "Стэмфорд Бриж" стадионида якшанба куни 110 ёшни қарши оладиган дерби бўлиб ўтади.

"Менда ўйинчиларни жисмоний ҳолатини текшириш учун яна бир кун бор, кейин "Арсенал" билан ўйинга энг яхши қарорни қабул қиламан. Ўйинчиларим олдинги баҳсда ўзларини яхши кўрсатишди. Мен уларнинг ўйинидан қониқдим. Энди бизни яна бир қийин ўйин кутяпти. "Арсенал" Англиядаги олтита энг яхши жамоалардан бири. Уларда жуда яхши таркиб мавжуд ва улар соврин учун кураша оладилар. "Арсенал"га қарши ўйинлар ҳар доим "Манчестер Сити", "Манчестер Юнайтед", "Ливерпуль" ва "Тоттенхэм" каби муҳим ҳисобланади", - дея Контенинг сўзларидан иқтибос келтирди "кўклар" расмий сайти.

"Ҳамма нарса бўлиши мумкин. Биз рақибларимиз билан курашишимизга тўғри келади. Мен уларнинг пайшанба куни бўлиб ўтган Европа лигасидаги ўйинини кўрдим, улар таркибда катта ўзгаришлар қилишди ва кўп футболчиларга бизга қарши баҳс олдидан дам олиш имкониятини беришди. Уларнинг биздан кейин ўйнашгани бизга устунлик беради деб ўйламайман. Бу ўйинни ўн бир асосий таркиб футболчилар билан тугатишга умид қиламан", - деб айтиб кулади Конте.

Конте "Уэмбли"да охирги иккита ўйинда "Арсенал"га ютқазишганини эслаб -ўйинда кучлилар ютади деб қўшимча қилди.