Vohid SHamsai: "O'zbekiston terma jamoasi bundan yaxshiroq o'ynay olishi va aslida kuchliroq ekanligini bilaman"

- O'yin haqidagi fikrlaringiz bilan bo'lishsangiz...

- Qiziqarli va yaxshi o'yin o'tkazdik. Biz birinchi bo'limni juda yomon o'tkazdik, ammo ikkinchi bo'limda o'yinimiz ancha yaxshilandi. Biz ko'p vaziyatlarimizni ko'kka sovurdik. 4ta gol o'tkazib borish biz uchun juda yomon natija. Buni to'g'rilashimiz kerak. Pley-off bosqichida 4ta gol o'tkazib yuborishimiz mumkin emas. Bu juda xavfli.

- Eron terma jamoasining mundialdagi maqsadlari qanday?

- Ushbu musobaqada "grand" jamoalar juda ko'p. Braziliya eng kuchaygan pallada. Argentina, Ispaniya va Portugaliya ajoyib o'yin namoyish etishmoqda. Qozog'iston terma jamoasini ham ular(favoritlar - tahririyat) qatoriga qo'sha olaman. Franciya ham ancha xavfli jamoa hisoblanadi. Har bir o'yinga o'zgacha yondashishimiz kerak. SHuningdek, pley-off bosqichida omad ham juda qo'l keladi, qura natijalari omadli bo'lishi ham juda muhim.

- Jahon chempionatida ishtirok etayotgan Osiyo mamlakatlari haqida ham fikr bildirib o'tsangiz...

- Tailand va Afg'oniston "dahshatli" o'yin namoyish etishmoqda. Tojikiston Marokashga qarshi juda tartibli o'yin o'tkazdi. O'zbekiston terma jamoasi esa yaxshiroq o'ynay olishini va aslida kuchliroq ekanligini bilaman, ammo mening eshitishimcha tarkibingizda 2-3ta asosiy futzalchilar jarohat olgan. Bunday narsalarni o'zgartirib bo'lmaydi, afsuski. Osiyo katta o'sishga erishmoqda va Osiyo mamlakatlari dunyoga xavf tug'dirishi mumkinligi isbotlanmoqda.

Abdulvosit Bektemirov suhbatlashdi