Sardor Rashidov: “Oxirgi turda kim Jahon chempionatiga chiqishi hal bo'ladi”

Ushbu bahsdan so'ng O'zbekiston milliy terma jamoasi futbolchisi Sardor Rashidov o'z fikrlarini bildirdi.

“Qatar terma jamoasiga qarshi chrashuvda qiyinchilik bilan g'alaba qo'lga kiritildi. Ushbu bahsni oynaijahon orqali tomosha qilgan va stadionga tashrif buyurgan muxlislar xursand bo'ldi, deyb o'ylayman. Bizni qo'llab-quvvatlagan muxlislarga rahmat aytaman. Nasib qilsa keyingi o'yinlarda ham g'alabaga erishamiz. Uchrashuvdan oldin Qatar terma jamoasi haqida murabbiylarimizga etarlicha malumotlar berib turdim. 

Keyingi turda safarda Eron terma jamoasiga qarshi bahs olib boramiz. Ushbu uchrashuv juda ham qiyin bo'ladi. Eron terma jamoasini mag'lubiyatga uchratib 3 ochkoni qo'lga kiritishga harakat qilamiz. Eron, Janubiy Koreya va O'zbekiston terma jamoalarida mundial yo'llanmasini qo'lga kiritish uchun imkoniyatlar etarlicha. Bu narsa so'nggi turgacha saqlanib qolsa kerak, deb o'ylayman. Oxirgi turda kim Jahon chempionatiga chiqishi hal bo'ladi”, - deydi Sardor Rashidov.

Jahongir Sotvoldiev suhbatlashdi