Ro'ziqul Berdiev: “Bu yilgi OCHL bahslarida futbolchilarimiz katta tajriba orttirishdi”
17 apr 2018 15:10
Yangiliklar

Ro'ziqul Berdiev: “Bu yilgi OCHL bahslarida futbolchilarimiz katta tajriba orttirishdi”

“Al Vasl” – “Nasaf” (1:2) uchrashuvi yakuniga etgach matbuot anjumani o'tkazildi.

Matbuot anjumanining dastlabki qismida "Nasaf" ustozi Ro'ziqul Beridev va hujumchimiz Bobir Abduxoliqovlar ishtirok etishdi.

Ro'ziqul Beridev: - Bugun ikkala jamoa yaxshi o'yin ko'rsata olmadi. Biz bugun g'alaba qozondik, afsuski 10 ochko bilan ham guruh bosqichidan chiqa olmadik. Ammo OCHLdagi bu yilgi ishtirokimiz futbolchilarimizga katta tajriba maktabi bo'ldi. Futbolchilarimiz kuchli jamoalarga qarshi to'p tepib, tajriba orttirishdi.

Bobir Abdixoliqov: - Bugun gol urib jamoamiz g'alabasiga hissa qo'shganimdan xursandman. Albatta bizni ko'plab futbol ixlosmandlari teleekran orqali qo'llab-quvvatlab turishganini, ular bizdan g'alaba kutishganini his qilib turdik. O'zim nomimdan va jamoadoshlarim nomidan ularga, jumladan Qarshilik muxlislarimizga minnatdorchilik bildiraman. Bu yilgi OCHL bahslarida kuchli va tajribali jamoalarga qarshi to'p tepdik. Tajriba ortirdik. Bu tajriba keyingi faoliyatimizda albatta asqotadi.