Eron nashrlari Masharipov jarohati jiddiy deb yozishmoqda. Futbolchi bu savolga o'zi javob berdi

Eronning bir qator nashrlari O'zbekiston terma jamoasi hamda "Istiqlol" yarim himoyachisi Jaloliddin Masharipov jarohati haqida turli malumot tarqatmoqda. Biz futbolchi bilan bog'lanib, uning salomatligi borasida malumot oldik.

Jaloliddin Masharipov: "Klubim bilan Turkiyadagi yig'inda kichik jarohat olganim rost. Vahimali hech narsa yo'q. Taxminan 10 kun davolanaman. 10-avgust kungi Eron Superkubogi uchun bahsni o'tkazib yuboraman. 19-avgust kun chempionat start oladi va xudo xohlasa 1-turda safga qaytaman. Nasib qilsa terma jamoa yig'iniga to'liq tayyor bo'laman".