Rasmiy xabar: Andrey Fyodorov istefoga chiqarildi
22 iyu 2019 18:32
Yangiliklar

Rasmiy xabar: Andrey Fyodorov istefoga chiqarildi

Mavsum oldidan Lokomotiv professional futbol klubi har doimgidek o'zi qatnashadigan barcha musobaqalarda munosib ishtirok etishni maqsad qilgan edi.

Lekin ayni paytga kelib jamoa Superligada 12-turdan so'ng 21 ochko bilan 2-o'rinni egallab turibdi. Kuni kecha jamoa Samarqandda «Dinamo» jamoasiga mag'lub bo'ldi va turnir jadvalidagi holatini biroz yomonlashtirib qo'ydi. SHuningdek, Osiyo CHempionlar Ligasidagi ishtirok guruh bosqichidayoq yakunlandi. Holbuki «Lokomotiv» PFK rahbariyati jamoa oldiga birinchi galdagi vazifa etib OCHLda guruhdan chiqishni qo'ygan edi.

Ham ichki, ham xalqaro maydondagi natijalar qoniqarsiz ko'rinish olgani sababli shu paytga qadar «Lokomotiv» jamoasi bosh murabbiyi vazifasida ishlab kelgan Andrey Fyodorov va u bilan faoliyat olib borgan murabbiylar shtabi bugun istefoga chiqarildi.

«Lokomotiv» PFK Andrey Fyodorov, Mirko Yelichich, Petr Gizimchuk, Vazgen Manasyanga klub oldidagi xizmatlari uchun minnatdorchilik bildiradi.

Havola :

Manba : lokomotiv.uz

Yangiliklarni Telegramda o'qing!

Reyting: -74