Qosimovga Qarshi qo'rqinchlimi?

Mazkur bahs har ikkala jamoa uchun juda ahamiyatli hisoblanishini mendan ham yaxshi bilsangiz kerak.

"Ajdarlar" peshqadamdan bir ochko orqada, AGMK esa mavsumni sovrinli o'rinlarda yakunlashi uchun deyarli so'nggi imkoniyat.

Etiborimizni bir statistika o'ziga tortdi: AGMK ustozi Mirjalol Qosimov ushbu klub bilan Superliga doirasida Qarshida umuman g'alaba qozona olmagan ekan: 3ta o'yin, 1ta durang va 2ta mag'lubiyat. To'plar farqi: 1:7.

So'nggi bor Qosimov boshchiligidagi jamoa Qarshida 2018 yil 11 avgust sanasida zafar quchgan ekan. O'shanda "Bunyodkor" "Nasaf"ni safarda 4:1 hisobida tor-mor etgandi.

O'sha kungi bahsda maydonga tushganlarni yodga olamiz:

NASAF - BUNYODKOR - 1:4
11.08.2018. 21 tur. Qarshi. "Markaziy". 3146 tomoshabin.

Bosh hakam: Qodirov Zokir

Gollar:
0:1 - Nurmatov SHahzodbek, 27
0:2 - Jo'raev Dilshod, 65
0:3 - Nurmatov SHahzodbek, 81
0:4 - Ibragimov Javlon, 85
1:4 - Davlatov Bobur, 90+3

Golga aylanmagan penalti: Muhitdinov SHarof (NASAF), 58 (darvozabon)

NASAF: Quvvatov Sanjar; Karimov Maqsud; G'aybullaev G'olib (Davlatov Bobur, 46); Safarov Amirjon; Muhitdinov SHarof; Saitov Dilshod; Kenjaboev Islom (Temirov SHerzod, 52); Rashidxonov Islom; Rahmatov Saidullo; Mozgovoy Akmal; Eshmurodov Umarbek
BUNYODKOR: Sultonov Suhrob; Jo'raev Dilshod; G'ofurov Anvar; Ahmadaliev Dilshod; Ibragimov Javlon; Nurmatov SHahzodbek; Toshmatov Murodjon (Qodirqulov Sanjar, 52); Sobirxo'jaev Sardorbek; Sulaymonov Mirg'iyos; Qosimov Mirjamol (Ikromov Farruh, 60); Haydarov Aziz (Abdullaev Abdulla, 67)

Ogohlantirishlar: Qosimov Mirjamol, 53; Karimov Maqsud, 61; Sulaymonov Mirg'iyos, 90+3
CHetlatish: Karimov Maqsud, 64 (2SK)

Xo'sh, Qosimov uchun AGMK ustozi sifatida Qarshi qo'rqinchlimi? Bu savolga ertangi o'yindan keyin javob olsak kerak. 

Narzulla tayyorladi