"Qo'qon-1912": Peshqadamga aylantirgan o'yin (FOTOMAQOLA)

Qo'qonda bo'lib o'tgan uchrashuv haqiqiy bayramga aylandi desak mubolag'a bo'lmaydi. Futbolchilarimiz ham o'zlarining hujumkor o'yinlari bilan muxlislarni xursand etishdi.

Quyida mazkur uchrashuvga bag'ishlangan fotomaqola bilan tanishing:

Futbolchilar maydonga tushib kelishmoqda.

Futbolchilar #BIZSENBILANSIROJ akciyasi uchun suratga tushishdi.

Har ikki jamoa sardorlari o'yinni kim boshlab berishiga oydinlik kiritishmoqda.

Vakillarimiz uchrashuvni shiddatli tarzda boshlashdi.

15-daqiqa Nosir Otaqo'ziev hisobni ochishga muvaffaq bo'ldi.

Gol muallifi – jamoadoshlari qurshovida.

Nosir birinchi bo'limning o'zidayoq dublni rasmiylashtirishi mumkin edi. Ammo ushbu vaziyatda Naumov jamoasini muqarrar goldan saqlab qoldi.

Jamoamiz sardori qatorasiga ikkinchi o'yinda o'z hisobiga gol yozib qo'yishga erishdi.

Suhrob Berdiev ham uchrashuvda faolligi bilan ajralib turdi.

Filip Rayevac o'ziga bildirgan ishonchlarni to'la oqlamoqda. Serbiyalik hujumchi to'rtinchi o'yinda to'rtinchi golini kiritdi.

Aleksandr Merzlyakov ham muxlislar olqishiga sazovor bo'ldi.

Bahs mana shunday shiddatli kurashlar ostida o'tdi. Har ikki jamoa vakillari muxlislarga hujumkor futbol namoyish etishdi.

Bosh murabbiymiz uchrashuv davomida shogirdlariga ko'rsatma berib turdi. Bu esa o'z natijasini berdi.

Mehmonlar murabbiyi Ilhom SHaripov esa hakamlar qaroridan norozi bo'lmoqda. Bu vaziyatda Sardor Sulaymonov qizil kartochka oldi.

Darvozabonimiz Muzaffar Abdullaev ham bir necha bor o'z mahoratini namoyish etganini aytish lozim.

G'alaba quvonchi. Futbolchilarimiz ushbu g'alabadan keyin chempionat peshqdamiga aylanishdi.

Uchrashuvga qiziqish juda katta bo'lganini mana shu kadrdan ham bilsa bo'ladi. Bunday holatga ko'p bora xorijiy chempionatda guvoh bo'lardik. “Markaziy” o'yingohda ham shunday holat vujudga keldi.

Qo'qonda haqiqiy futbol bayrami. Muxlislarimiz kutgan onlar keldi. “Qo'qon-1912” jamoasi o'z muxlislari bilan faxrlanadi. Kecha “Markaziy” o'yingoh ishqibozlar bilan to'ldi. O'ylaymizki, ishqibozlarimiz bundan keyin ham bizni shunday tarzda qo'llab-quvvatlashadi.