Osiyo Kubogi-2019. Yaponiya beshinchi marta chempionlikni ko'zlayapti

Biz bilan guruhda kurash olib boradigan yaponlar faqat yuqori natijani ko'zlashmoqda. Bu haqda terma jamoa ustozi OFK rasmiy saytiga bergan intervyusida aytib o'tdi.

"Jamoa 1 fevral kuni finalda o'ynab kubokni boshi uzra ko'taradimi?" Bu savolga terma jamoa bosh murabbiyi Xajime Moriyasu miyig'ida kulgancha shunday bo'lishiga umid qilamiz deb javob berdi. JCH-2018dan keyin bazi futbolchilar o'z faoliyatlarini yakunlashdi. Xususan Keysuke Xonda terma jamoa bilan xayrlashdi. Lekin Yaponiyada futbolchi ko'p va har yili iqtidorli yoshlar etishib chiqyapti.

Yaponlar ustozi yana shunday dedi: "Jahon chempionatidan keyin menda yaxshi tarkib qoldi. Hamkasbim Akira Nishino o'zidan ajoyib tarkibni qoldirib ketdi. Bizda yangi va yaski o'yinchilar bor. Har bir futbolchi maydonga tushganidan keyin nima qilish kerakligini biladi. Osiyo Kubogiga tayyorgarlik yaxshi ketyapti, buning uchun o'rtoqlik o'yinlari muhim ahamiyat kasb etadi. Biz 2 yanvar kuni BAAga yo'l olamiz, dekabrda esa musobaqada qatnashadigan yakuniy tarkibni elon qilamiz. O'rtoqlik o'yinlaridagi g'alaba muhim emas. Asosiysi Osiyo Kubogida zafar quchish. Biz ushbu musobaqada beshinchi marta g'olib bo'lishni xohlaymiz".