"Oltin Asr" bosh murabbiyi Yazguli Xodjageldiev: "Ikkita chetlatishga qaramay futbolchilarim oxirigacha kurashishdi"

- O'yinni yomon boshladik, chetlatishlardan keyin yanada qiyin bo'ldi, qizil kartochka tufayli majburiy o'zgarishni amalga oshirdik, futbolchilarim funkcional jihatdan o'yinga tayyor emasliklari ko'rindi, anchadan buyon rasmiy o'yinlarda maydonga tushmayotganimiz o'z so'zini aytdi, shularni hisob olganda bugungi durang biz uchun qoniqarli natija bo'ldi.

- Bugun ikki futbolchingiz qizil kartochka oldi. Ularning o'rnini bosa oladiganlar bormi?
- Xudoga shukurki, tarkibimizda futbolchilar ko'p va bugun chetlatilganlar o'rnini bosa oladiganlar bor.

- Bugun g'alaba qozona olmadinglar, nima deb o'ylaysiz guruhdan chiqish imkoniyati qanday?
- Hali hech narsa yo'qotilgani yo'q, oldinda ikkita o'yinimiz bor, kurash oxirgi turgacha davom etadi.

- Bugungi omadsiz o'yinga nima sabab bo'ldi? O'yin amaliyoti kamligi, hakamlik yoki boshqa sabab?
- Hakamlik bilan muammo bo'lmadi, biz noyabr oyidan buyon rasmiy o'yinlar o'tkazmadik, yigitlar funkcional jihatdan yuqori holatda emaslar, ikkita chetlatishga qaramay yigitlar qo'llarini tushirishmadi, oxirigacha kurashishdi. Umuman olganda bizga o'yin amaliyoti etishmadi, ammo buni to'g'rilasa bo'ladi.