O'FA O'zFHM oldidagi qarzlarini qachon to'laydi?

Barcha jamoalar kabi hakamlarimiz ham og'ir mavsumdan keyin tatilga chiqishdi. Ammo tatilga chiqqan hakamlar oxirgi ikki oy uchun ishlab topgan pullarini hamon ololmay kelishmoqda. Bizga ayrim hakamlar shu masalada murojaat qildi va pullarini ololmayotganini malum qildi.

Vaziyatni o'rganish uchun O'zFHM bilan bog'landik va quyidagicha javob oldik:

"O'zFHM ikkita tashkilot tomonidan moliyalashtiriladi: PFL va O'FA. PFL bizning smetamizning 80 foizini qoplab beradi, O'FA esa 20 foizini. Ayni paytga kelib 80 foizlik smeta to'liq bajarilgan, 20 foizlikning yarmi yopilgan. Qolgan yarmi bo'yicha esa O'FA bilan ish olib borilmoqda. Hakamlarimiz va Markaz xodimlari ikki oylik maoshini olmagan. Umid qilamizki, bu masala tez orada ijobiy hal etiladi", - dedi O'zFHM vakili.