"Nasaf": Mashg'ulotlar davom etmoqda

Bugun jamoamiz azolari klub qarorgohida o'zlarining navbatdagi mashg'ulotlarini o'tkazishdi. Ro'ziqul Berdiev boshchiligida o'tgan mashg'ulotda futbolchilar to'liq dastur bo'yicha shug'ullanishdi.
Mashg'ulotlarda asosiy urg'u futbolchilarimizning jismoniy holati va to'p bilan ishlashga qaratildi.
Jismoniy mashqlarni Ilnur Sibagatullin o'tkazgan bo'lsa, SHuhrat Toshpo'latov futbolchilarni to'p bilan ishlatdi.
Darvozabonlar murabbiyi Denis Ivankov esa o'zining to'rt nafar shogirdini maxsus dastur bo'yicha shug'ullantirdi.
Mashg'ulotlarning so'nggi bosqichida futbolchilar ikkiga bo'linib futbol o'ynashdi. Ro'ziqul Berdiev boshchilik qilgan jamoa 6:5 hisobida g'alaba qozondi.
Ikki soat davom etgan mashg'ulot soat 20:00da o'z yakuniga etdi.

Eslatib o'tamiz, Oliy liganing 24-turidan o'rin olgan "Metallurg"ga qarshi o'yin 30 sentyabr kuni Bekobodda bo'lib o'tadi.