"Manchester Yunayted" "Brayton"ga mag'lubiyatidan bir kun o'tgach, yashirin o'yin o'tkazdi, biroq Ronaldu unda ishtirok etmadi

Yakshanba kuni safga kech qaytgan futbolchilarning jismoniy tayyorgarligini oshirish maqsadida Erik ten Xag "Karrington" sport majmuasida Milliy liga vakili "Galifaks Taun"ga qarshi nazorat uchrashuvi tashkillashtirdi, ammo unda jamoa yulduzi Krishtianu Ronaldu ishtirok etmadi. 

Mazkur uchrashuvda "Yunayted" 5:1 hisobida g'alaba qozondi. Gollarni kimlar urgani malum qilinmagan.

Eslatib o'tamiz, MYU hujumchisi Krishtianu Ronaldu APLning ilk turida zaxiradan maydonga tushgandi. Avvalroq futbolchi klubni tark etishni xohlayotgani aytilgandi.