Koutino: "Barselona"dagi faoliyatim men o'ylaganchalik chiqmadi. "Bavariya"da esa uzoq qolishga umid qilaman”

«Barselona»ga kelsak barchasi men o'ylaganchalik bo'lmadi. Biroq, endi bu o'tmish. Endi yangi katta va muhim jamoadaman. Umid qilamanki, bu erda uzoq qolaman hamda ko'plab titullarni qo'lga kiritaman. «Barsa»da o'tgan yillarim mobaynida tajribamni oshirdim, ancha narsani o'rgandim, ko'p yutuqlarni qo'lga kiritdim, keyin esa Kopa Amerikada Braziliya bilan g'alaba qozondim. Bu esa haqiqatdan asosiysi edi. Endi menda yangi, katta klubda o'ynash imkoni bor. Hasan Salihamijich («Bavariya» sport direktori) qo'ng'iroq qilganida, menda hech qanday ikkilanish yo'q edi. U haqiqatdan meni shu erga kelishimni xohlagandi. Ular Barselonaga uchib kelishdi, biz uchrashdik, so'ngra, ular menga loyiha haqida gapirib berishdi. SHu bois ulardan chin dildan minnatdorman, chunki,  ilk soniyadan boshlab ular meni o'z jamoalarida ko'rishni xohlayotgani ayon bo'lgandi”, – deydi Koutino.