Koronavirus bilan kasallangan Ronaldu “Barselona”ga qarshi o'yinni o'tkazib yuboradimi?

Ronaldu Millatlar Ligasi 4-turi doirasida o'tadigan SHveciyaga qarshi o'yinda qatnasholmasligi aniq bo'ldi. SHuningdek, 35 yoshli forvard “Yuventus” safida “Krotone” (A Seriya, 17 oktyabr) va “Dinamo K” (ECHL, 20 oktyabr) bilan bahslarni ham o'tkazib yuborishi aytilmoqda.

Yaqinda Italiya ilmiy-texnik qo'mitasi karantin muddatini 14 kundan 10 kungacha qisqartirishi to'g'risida qaror qabul qildi va buning uchun koronavirus testi salbiy chiqishi kifoya qiladi. 

Demak, Ronaldu o'n kunlik karantindan so'ng virusdan to'liq forig' bo'lsa, “Verona” (A Seriya, 25 oktyabr) hamda ko'pchilik kutayotgan “Barselona”ga (ECHL, 28 oktyabr) qarshi o'tadigan uchrashuvlargacha safga qaytishi mumkin.