Klopp "Siti" bilan o'yinda VAR tizimi bo'lmaganidan mamnun emas

"O'yin boshida Xolandda bo'lgan vaziyatda offsayd bor edi. Sezmay qoldingiz-a? Offsayd bo'lgandi. Buni sizlarga aytyapman. Bu butun bir o'yinga o'z tasirini o'tkazdi. U erda offsayd bor edi, biroq bayroq ko'tarilmadi.

Hakamlar VAR tizimiga o'rganib qolishdi. Bir qancha vaziyatlarda ular VARni kutishgani va ortdan qo'shimcha yordam kerakligi sezilib qoldi. Hakamlar bir qancha offsaydlarni o'tkazib yuborishdi. Ammo buni murabbiylar ko'ra olishmaydi, chunki biz takroriy lavhani kuzatmaymiz.

Deyarli barcha turnirlarda VAR bor, APLda ham. Ammo nima uchun bunday o'yinlarda VAR ishlatilmaydi. Tushunaman, VAR tizimini kubok doirasidagi o'yinlarda ishlatish qiyin. Ammo "Manchester Siti" va "Liverpul" o'rtasidagi o'yin uchun bu texnologiyani ishlatsa bo'lardi", - dedi Klopp.