"Roma" MYU hujumchisini qo'lga kiritishga yaqin

Jurnalist Florian Plettenberg malumotiga ko'ra, niderlandiyalik forvard "Roma" taklif qilayotgan sport loyihasini ijobiy baholamoqda.

Rim klubi 24 yoshli futbolchini taxminan 5 million evro evaziga ijaraga olishni, shuningdek, kelishuvga kelasi yozda 30 million evroga sotib olish bandini kiritishni rejalashtirmoqda. Tomonlar o'rtasida aloqalar davom etmoqda, ammo transfer bo'yicha yakuniy qaror hali qabul qilinmagan — "Manchester Yunayted" rahbariyati bitimga rozilik bermagan.

Qayd etilishicha, Zirkzeega qiziqish bildirayotganlar faqat "jalorossi" emas: futbolchiga boshqa Evropa klublardan ham takliflar bor, bu esa vaziyat rivojiga tasir qilishi mumkin.

Hujumchining Angliya grandi bilan amaldagi shartnomasi 2029 yilgacha mo'ljallangan. Zirkzee joriy mavsum Premer-liganing 10 o'yinida ishtirok etib, 1 ta gol urdi. Transfermarkt portali bahosiga ko'ra, futbolchining bozor qiymati 25 million evroni tashkil etadi.