Keyn "Barselona"ning qiziqishi haqida: "Men buni maqtov sifatida qabul qilaman"

Avvalroq, Kataloniya klubi prezidentligiga nomzod Xaver Vilaxoana 32 yoshli inglizning vakillari bilan aloqada ekanligini malum qilgandi.

“Bu haqda hech narsa eshitganim yo'q. Otam va akam hamma narsa bilan shug'ullanishadi, lekin menga hech narsa deyishmadi. Yuqorida aytganimdek, men bu erda, "Bavariya"da juda baxtliman. Men bu mavsumga va "Bavariya"dagi vaqtimga etibor qaratmoqdaman. Men buni maqtov sifatida qabul qilaman”, — dedi Keyn.

Hujumchi joriy mavsumda barcha musobaqalarda 36 ta o'yin o'tkazib, 43 ta gol urdi va 5 ta golli uzatmani amalga oshirdi. Uning myunxenliklar bilan shartnomasi 2027 yilning iyun oyi oxirigacha mo'ljallangan. Transfermarkt portali futbolchining narxini 65 million evroga baholamoqda.