“Kaliningrad” stadioni haqida nimalarni bilishimiz kerak?
26 mar 2018 17:08
Yangiliklar

“Kaliningrad” stadioni haqida nimalarni bilishimiz kerak?

Bugun, ananamizga muvofiq, Jahon CHempionati-2018 o'yinlari o'tkaziladigan arenalarning eng g'arbiysi “Kaliningrad” stadioni haqida malumot beramiz.

• “Kaliningrad” stadionida JCH-2018ning 4ta o'yini bo'lib o'tadi
• Eng g'arbiy arena mundialdan so'ng “Baltika” klubining asosiy stadioniga aylanadi

O'yinlar
“Kaliningrad” stadionida Jahon CHempionati guruh bosqichining 4ta o'yini bo'lib o'tadi. Arenada 16 iyun kuni Xorvatiya va Nigeriya terma jamoalari o'rtasidagi uchrashuv bo'lib o'tadi. SHuningdek, musobaqada guruh bosqichining eng qiziq o'tishi kutilayotgan o'yinlaridan biri Angliya – Belgiya (28 iyun) o'yini ham shu stadionda bo'lib o'tadi.

Imkoniyatlari
CHempionat vaqtida “Kaliningrad” stadioniga 35 000 tomoshabin tashrif buyurishi mumkin bo'ladi.

Joylashgan o'rni
Yangi arena Oktyabr orolida barpo etilgan bo'lib, u Kaliningrad shahrining markazida joylashgan. Mundial ancha yillardan beri etibor berilmagan orolda ajoyib arena bunyod etilishiga sabab bo'ldi. CHempionatdan so'ng, bu erlarda istirohat bog'i va dam olish maskanlari qurilishi rejalashtirilgan.

Bilasizmi?
“Kaliningrad” stadioni qurilishida 12 000dan ziyod ustundan foydalanilgan. Stadion aslida 45 000 tomoshabinga mo'ljallab qurilishi kerak edi. Biroq bazi sabablar tufayli arena sig'imi kamaytirildi. Qolgan 11ta stadionlardan “Ekaterinburg Arena” ham 35 000 tomoshabinga mo'ljallangan.

Dastlabki o'yinlar
Boshqa arenalar kabi “Kaliningrad” stadionida ham qizg'in tayyorgarlik ishlari ketmoqda. “Baltika” klubi chempionatning joriy mavsumdagi bir nechta o'yinlarni o'tkazishi rejalashtirilgan.

Meros
Jahon CHempionati-2018dan so'ng, ushbu stadion “Baltika” klubining asosiy arenasi bo'lib xizmat qiladi. Stadiondagi tomoshabinlar o'rindig'i “Baltika” klubining rangi kabi “oq-ko'k” ranglarga bo'yalgan.