Jahon chempionatiga munosiblar boradi

Oxirgi jamoa nomi bugun 23:00da boshlanadigan Kosta-Rika - Yangi Zelandiya bahsidan so'ng aniq bo'ladi. Biz uchun ahamiyatlisi, bu yilgi jahon chempionatida tarixda ilk bor OFKdan 6ta terma jamoa qatnashadi. Mezbon Qatardan tashqari Saudiya Arabistoni, Yaponiya, Eron, Janubiy Koreya va Avstraliya mundialda qitamiz sharafini himoya qiladi. 

Avvaldan taxmin qilinganidek, kuchlilar jahon chempionatiga yo'l oldi. Avstraliya terma jamoasi qitalararo o'tish o'yinida o'z kuchini namoyish etib, Peru bilan bahsda penaltilar seriyasi evaziga g'alabani qo'lga kiritdi. SHunday qilib "kengurular" JCH-2022da OFKning 6-jamoasiga aylandi.

Bu yilgi musobaqa ham juda qiziqarli kechishi kutilyapti. Albatta, ko'pchiligimizning etibori Osiyo jamoalariga ham qaratiladi. SHu o'rinda O'zbekiston milliy terma jamoasi haqida qisman gapiradigan bo'lsak, biz saralash bahslarini Ektor Kuper qo'l ostida boshlab, keyinchalik Vadim Abramov bilan davom ettirdik. Balki Kuperga oxirigacha imkon berilganida hal qiluvchi bosqichga chiqqan bo'larmidik. 

Lekin hozir bu gaplardan foyda yo'q. Vaqt ketib bo'ldi. Biz ancha pastladik, yo'qsa O'zbekiston hech zamonda SHri-Lanka, Maldiv kabi jamoalar bilan hisoblashganmi? Biz o'z terma jamoamizni Yaponiya, Janubiy Koreya, Eron, Saudiya Arabistoniga qarshi o'yinlarda ko'rishga o'rganib qolgandik. Biz uchun Osiyo Kubogiga chiqish cho't emasdi. Hozir esa go'yoki "pulka" orqali etib kelgandekmiz. 

Bu o'rinda avvalo nima uchun pastladik degan savolni o'zimizga berishimizga to'g'ri keladi. Hozir Kuperni yoki Abramovni ayblashdan foyda yo'q. Katanecda "murabbiy imzosi" yo'q deyish ham hech nimani o'zgartirmaydi. Biz futbol tizimi bo'yicha qaerdadir xatoga yo'l qo'ydik. Va toki shu xato to'g'rilanmas ekan, jahon chempionatini orzu qilmasak ham bo'ladi. Zero mundialga faqat kuchlilar va munosiblargina boradi.

X.Xoliqov.