Ilyos Qurbonov: "Avval aytganimdek, "Metallurg" Superligadan tushib ketmasligi kerak edi"

Bellashuv 2:1 hisobida bekobodliklar foydasiga hal bo'ldi. Uchrashuvdan keyin jamoa ustozlari ishtirokida matbuot anjumani bo'lib o'tdi. Uning birinchi qismida Ilyos Qurbonov ishtirok etdi.

"Barchaga assalomu alaykum. O'yin haqida gapiradigan bo'lsak, oxirgi to'rt, besh, oltita turning barchasi finaldek bo'ldi. "Bunyodkor"dan boshlanib, OKMK, "Surxon", "Nasaf" va bugungi bellashuv ham final edi. Avval ham aytganimdek, biz maydonga finaldek chiqishimiz kerak edi. Har bir ochko biz uchun muhim edi. 

Raqibni yaxshi bilardik. Bizning rejamiz bo'yicha yuqoriroqdan pressing qilishimiz kerak edi — uddaladik deb o'ylayman. Juda ko'p bor ularning darvozasiga yaqin zonalarda to'pni olib qo'ydik. Qaysidir pallalarda sovuqqonlik etishmadi, ikkinchi bo'limda esa qaysidir vaziyatlarda maydon holati bizga pand berdi. Vaziyatlar ko'p bo'ldi. Haqli g'alabaga erishdik.

Avval aytganimdek, "Metallurg" Superligadan tushib ketmasligi kerak edi. Buni 6 tur oldin aytib o'tgandim. Biz bu joyga loyiq emasmiz. 

O'ylaymanki, oldimizga qo'ygan vazifani bajardik. Buning uchun bolalarga rahmat aytaman, oxirigacha o'ynashdi, kurashishdi", - dedi Ilyos Qurbonov.

Mavsumni 2:1 yutib turib, 2:2 hisobida durang bilan boshladik. To'g'ri, bizda qaysidir manoda psixologik jihatdan qo'rquv, bosim bor edi. Har bir xato uchun qo'rqardik. Mavsum oxirida 3-4 ta tur qolganida bosh murabbiy boshqa klubdan taklif bo'lib, ketib qoldi. Men bu jamoada uzoq yillardan buyon ishlayman. Jamoani boshqa mutaxassis mendan yaxshiroq bilmasdi. Sababi men etti, sakkiz, o'n yildan buyon klubdaman. Meni qilgan ishim, vazifam yigitlarga ishonch berish edi. Bilardim, yigitlar yaxshi futbol o'ynashini. Sababi har bir futbolchimiz malakali o'yinchilar deb o'ylayman. Ularga faqatgina psixologik jihatdan ishonch berish muhim edi. Qo'limdan keldi, buni uddaladim va "Surxon", "Nasaf"ga qarshi hal qiluvchi, juda qiyin o'yinlar bo'ldi. Etibor qilgan bo'lsalaring, birinchi davrada ham aynan shu "Olimpik", "Nasaf" va "Surxon"ga qarshi o'yinlarda boshqaruv mening qo'limda qolib ketgandi. O'shanda Vesko Steshevich ishdan olinganidan keyin. 

Men uchun "Nasaf", "Surxon" yangilik emas edi. Ularning qanday o'ynashini, qanday himoyalanib, qanday hujum qilishini bilardim. Etibor bergan bo'lsangiz, birinchi davrada ham biz "Nasaf"ga hech qanday imkoniyat qoldirmagandik. Aytmoqchimanki, biz o'z maydonimizda chempionni yutishimiz tasodif emasdi. Istagan mutaxassis o'sha bahsni tahlil qilib ko'rishi mumkin, biz o'yin tomonidan "Nasaf"ga imkon bermagandik.

Aytib o'tganimdek, bu yil jamoamiz uchun og'ir o'tdi. Omadsiz startdan keyin ancha qiynaldik. To'g'ri aytdingiz, 14 ta durang o'ynadik va bugun o'sha duranglar bizga as qotdi. O'sha bahslarda durang emas, mag'lub bo'lishimiz ham mumkin edi. Natijada, jamoa taqdiri ancha oldin hal bo'lardi. 

"Qo'qon-1912" o'yiniga kelsak — oddiy jamoa emas. Yaxshi legionerlar bor, oliy ligada to'p tepgan futbolchilar bor. Bu yil bizda PRO-Ligada oddiy jamoalar yo'q. PRO-Ligadan to'rtta jamoa oliy ligaga yo'llanma olishi shunchaki emas. Bu oddiy holat emas. O'sha "Buxoro", o'sha "Mashal", o'sha "Qo'qon". Tushunyapsizlarmi, ular yomon jamoa emas. 

Qo'qonda o'yinga ko'rsatma boshqacha edi. Biz ko'proq to'pni nazorat qilishimiz kerak edi. Lekin biz ko'proq raqibning o'yiniga moslashib qoldik. 75 yoki 77 daqiqada bitta standart, burchak to'pidan gol urib ketishdi. Nazoratni yo'qotib qo'ydik. Penaltilar seriyasi esa o'sha erda ham aytib o'tdim, bu psixologiya va omad. Omad o'shanda "Qo'qon"ga kulib boqdi. 

Keyingi yil bo'yicha hali reja tuzganimiz yo'q. CHunki asosiy vazifamiz — Superligada "jon saqlab qolish" edi. Keyingi yilga qaysi mutaxassis kelishini rahbariyat hal qiladi. Oxirgi turlarda menga ishonib, jamoani topshirishdi. Men o'zimni "Metallurg" uchun, Bekobod uchun qo'limdan kelganini qildim. Xursand bo'lganim, yigitlar men nimani istayotganimni tushunishdi,    menga quloq solishdi va biz shu natijaga erishdik. Qolganini rahbariyat hal qiladi".