Dilyaver Vaniev: "Individual sifatlar va mahorat o'z so'zini aytdi"

"Kubokda guruhdan chiqishni uddalay olganimiz yo'q. "Nasaf" bilan uchrashuvga jiddiy tayyorgarlik ko'rgandik. Raqibning so'nggi 2,3ta uchrashuvlari tahlil qilindi. Futbolchilar darajasi biroz bo'lsada seziladi. Kompakt o'ynashga, ikkinchi zonada qarshi olishga harakat qildik. Afsuski vaziyatlardan foydalana olganimiz yo'q. Qolaversa, "Nasaf"da ham vaziyatlar ko'p bo'lmadi. Individual sifatlar borasida ustunlik qildi, deb o'ylayman. O'yin boshida ajoyib imkoniyat yuzaga kelgandi. 

- Siz to'p tepgan va hozirgi davrdagi "Mashal" - "Nasaf" uchrashuvining farqi nimada? 

- Ko'pchilik shu savol bilan yuzlanadi. U vaqtda "Mashal" safida men uchun "Nasaf" juda principial raqib hisoblanardi. SHaxsan men ikki karra kuch bilan tayyorlanardim. Ikki jamoada ham saralangan ijrochilar jamlangandi. Vaqt o'tyapti, lekin qandaydir azart yo'qolgandek. Umuman bu savolga javob berish qiyin. Yigitlar harakat qilishyapti. Ammo futbolchilarning mahorati o'z so'zini aytyapti. 

- Maqsadlar qanday?

- Oldimizga malum bir vazifa qo'yilgan. "Mashal" oldiga maqsad qo'yilganmi, degan savolni bermasligingizni so'rardim.