“CHarm to'p” musobaqasining tuman va shahar bosqichlari bo'lib o'tmoqda

Ayni paytda joylarda mazkur musobaqaning tuman va shahar bosqich o'yinlari o'tkazilmoqda. Respublikamizning har bir tuman va shahrida 18 yoshdan 30 yoshgacha bo'lgan yoshlar jamoalari “CHarm to'p” musobaqasining viloyat bosqichi yo'llanmasi uchun bahs olib borishmoqda. O'yinlar ancha qiziqarli va shiddatli ruhda o'tayotganini qayd etish joiz.

Tuman va shahar bosqichlari o'z nihoyasiga etgach, viloyat miqiyosida eng kuchlilar saralanadi. So'ngra hal qiluvchi Respublika bosqichi esa 22-27 avgust kunlari Toshkentda tashkil etiladi. Final o'yini poytaxtimizning asosiy stadionlaridan birida, katta gala koncert va sayl bilan birga bo'lib o'tadi. Garchi “CHarm to'p” ishtirokchilari havaskorlar bo'lsada, ular professional darajadagi katta bir turnirga ega bo'lishmoqda.

Bularning barchasidan asosiy maqsad futbolga qiziquvchi insonlar uchun katta bir bayram tashkil etish orqali havaskor va professional sport o'rtasida to'siqlarni olib tashlab, har bir fuqaroni yurtimiz sportiga yaqinroq bo'lishiga sharoit yaratib berishdir.