Bobur Farhodov: "Ispaniyalik mutaxassisning ko'rsatmalariga tushunishda hech qanday muammo yo'q"

- Bobur, dastlab AGMK bilan uchrashuvdan keyingi taassurotlaringiz bilan o'rtoqlashsangiz?

- AGMK bilan o'yin kutilganidek,  qiiyn kechdi. Biz har bir o'yinda g'alaba qozonish uchun maydonga tushamiz. Xudoga shukrki, AGMKni mag'lub etdik va muhim 3 ochko qo'lga kiritdik. 

- Aynan nimaning evaziga g'alaba qo'lga kiritildi?

- Jamoadoshlarim bilan birga bosh murabbiyning ko'rsatmalarini yuz foiz bajarishga harakat qildik. Biz mehnat qilib, sabr qildik  Qolgani Allohdan. Damir Temirovning goli esa ajoyib tarzda kiritildi.

- "Metallurg" safida ilk o'yiningizni o'tkazdingiz. Taassurotlar qanday?

- Ilk o'ynimga kelsak g'alaba qozonganimizdan xursandman. Lekin o'z o'yinimdan qoniqish hosil qilmadim. 

- Ispaniyalik mutaxassis ko'rsatmalariga tushunishda muammo yo'qmi?

- Yo'q, albatta. Umuman bu borada muammo yo'q. CHunki klubimizda tarjimon hamda yordamchi murabbiylar bor. Ular bizga bosh murabbiy nimani istayotganini tushuntirib berishmoqda.