Bernardu Silva: "APLda 5 klub chempionlik uchun davogar"

Bernardu Silva ushbu mavsumda APL chempionligi uchun "Manchester Siti"dan tashqari "Liverpul", "CHelsi", "Arsenal", "Tottenhem" jamoalari imkoniyatlarini yuqori baholamoqda.

"O'tgan mavsumda biz 100 ochko to'plagan edik. Fikrimcha, bu yil mazkur natijani takrorlashimiz qiyin bo'ladi. CHunki, hozir har bir klub bizga qarshi qanday o'ynash kerakligini etarlicha o'rganib chiqqan. Endigina o'nta tur ortda qoldi. Mavsum davomida hamma narca bo'lishi mumkin. Biz hech qachon xotirjamlikka berilmaymiz va har uchrashuvda g'alaba qozonib maqsadimiz sari boramiz", - deydi portugaliyalik futbolchi.

Habaringiz bor, dushanba oqshomida "Uembli" stadionida  APL 10-turining markaziy uchrashuvida Gvardiola shogirdlari g'alaba qozonishgandi. Bu "shaharliklar" uchun turnir jadvalida birinchi o'ringa ko'tarilib olishga zamin yaratdi.