Ali Hasanzoda: "Bizning maqsadimiz yarim final. Osiyo mintaqasi vakillari chorak finalga qadar etib borishlariga umid qilaman"

- Bugungi bahs haqidagi fikrlaringiz?

- Juda yaxshi o'yin o'tkazdik, ammo birinchi bo'limda Gvatemala bizni hayron qoldira oldi va 3ta gol urdi. Tanaffusdan so'ng o'zimizga kelib oldik va g'alaba qozondik. Ikkinchi bo'lim Eronning kuchini namoyish etib berdi.

- Eron muddatdan avval pley-off yo'llanmasini hal etdi. Franciyaga qarshi kechadigan uchinchi tur uchrashuvi jamoa uchun shunchaki rasmiyatchilik bo'lib qolmaydimi?

- Yo'q, albatta. Biz guruhda birinchi o'rinni qo'lga kiritmoqchimiz. SHuningdek, biz o'yindan-o'yinga o'sib borishni maqsad qilganmiz.

- Eron terma jamoasining Jahon chempionatidagi maqsadlari qanday?

- Eron so'nggi mundiallarda yaxshi ishtirok etmoqda. Biz ushbu ananani davom ettirishni maqsad qilganmiz. Bizning maqsadimiz yarim final bosqichi.

- Jahon chempionatida ishtirok etayotgan Osiyo mamlakatlari haqida ham fikr bildirib o'tsangiz?

- Afg'oniston va O'zbekiston juda yaxshi o'yin namoyish etmoqda. Tailand ham keyingi bosqichga chiqishga ulgurdi. Umid qilamanki, chorak finalga qadar etib boradigan Osiyolik jamoalar soni ko'p bo'ladi.

- Hozirgi kunda ko'pchilik Eron terma jamoasini va shaxsan murabbiyni tanqid qilishmoqda, ammo natijalar yaxshi. Bunday tanqidlarning sababi nimada deb o'ylaysiz?

- Biz namoyish etayotgan o'yinimiz bilan Eron futzalining darajasini namoyish etmoqdamiz.

Abdulvosit Bektemirov suhbatlashdi