Aleksandr Xomyakov: “Bugun bayram... ”

O'yin haqida

- Final yo'llanmasi bu juda yoqimli holat. Klub vakillari, rahbariyat, jamoa azolari va qadrdon muxlislarni g'alaba bilan tabriklayman. Bugun bizda bayramona kayfiyat. SHu bois o'yin haqida unchalik ham ko'p gapirmoqchi emasman. Yigitlar uddalashdi, albatta tashakkur aytaman. Biz jamoa bilan tarixiy natija qayd eta oldik.

- Jamoangiz nimaning evaziga g'olib bo'ldi? SHuningdek, raqib jamoaning o'yiniga ham baho bersangiz?

- Raqiblar juda yaxshi o'ynashdi. Ularda ishonch juda yuqori edi. Bilasizmi, “Surxon”da bugun yirik hisobda g'alaba qozonib, finalga chiqish ishtiyoqi sezildi. Biroq, bu futbol. Biz yakkakurashlarda yaxshi ishladik, uzun uzatmalarda faollik ko'rsatdik. SHuningdek, himoyada ham yaxshi turdik. Raqiblar darvozamizga o'yindan tashqari holatda gol kiritishdi. Biz umumiy jamoaviy ahillik evaziga g'olib chiqdik.

- Bektemir Abdumannonov ikkinchi davrada unchalik ham yorqin o'ynamayapti. Bugun zaxiraga olinganida norozilik namoyish etdi. Bu haqida fikringiz?

- Jamoamizda ruhiy krizis ko'zga tashlanayapti. Bitta Bektemirning o'zida shunday vaziyat emas. Superligada ketma-ket 4 ta o'yinda mag'lub bo'ldik. Bu albatta jamoaga tasir ko'rsatadi. Bugungi g'alabamiz oldindagi o'yinlardagi ijobiy natijalar uchun motivaciya va ishonch kayfiyatini yuzaga keltirishidan umid qilamiz.