Akobir To'raev: “Hindistonda himoyaviy futbolga katta etibor qaratishar ekan”

 Bunga qadar u faoliyatini Tojikistonda davom ettirayotgandi. Xo'sh, To'raev Hindistonga qay tariqa yo'l oldi? Buni futbolchi bilan suhbatda bilib oldik. 

- Akobir, Hindistonning “Trau” klubiga qay tariqa yo'l oldingiz?

- Xabaringiz bo'lsa, men Tojikistonda “Esxata” klubida o'ynab kelayotgandim. Bu klub safida 16ta o'yinda 9ta gol urdim va 2ta golli uzatmani amalga oshirgandim. Keyinchalik jarohat olib ikki oy davomida klubga yordam bera olmadim. Orada “Trau”dan taklif kelib tushdi. To'g'risi, qaysi jamoada bo'lsa-da, o'yin amaliyotiga ega bo'lishim kerak edi. To'liq safga qaytgunimga qadar Tojikistonda chempionat nihoyasiga etardi. SHu tomonlarini hisobga olgan holda klub rahbariyati bilan kelishib, shartnomani bekor qildik. So'ngra “Trau”ga yo'l oldim. 

- Klub bilan qancha muddatga shartnoma imzoladingiz?

- SHartnoma muddati olti oyni tashkil qiladi. Jamoaga noyabrda kelib qo'shildim. Hindistonda chempionat aprel oyida yakunlanadi ekan.

- Jamoani tanlashingizga nima turtki bo'ldi?

- Yaxshi shakllangan jamoa ekan. O'tgan mavsumda I-ligada 3-o'rinni egallagan. SHaroitlari va boshqa tomonlari menga maqul keldi. 

- Sizdan tashqari, jamoada necha nafar va qaysi mamlakatdan kelgan legionerlar bor?

- Klubda 4 nafar legioner to'p tepadi. Mendan tashqari, ikkita braziliyalik va bitta nigeriyalik futbolchi bor.

- SHaroitlar qanday?

- Harqalay barcha sharoitlarni yaratib berishgan. Bundan nolimayman. 

- CHempionat saviyasi borasida nimalarni ayta olasiz?

- Hali rasmiylar o'yinlarda ko'p ishtirok etganim yo'q. CHempionat endi boshlandi. Professional jamoalar ko'p. Asosan himoyaviy futbol asosiyda to'p tepishadi. Saviyaga kelsak, yuqori ham yoki past ham deb bo'lmaydi. 

- Til borasida qiyinchilik bo'ldimi?

- Boshida qiyinchiliklar bo'ldi. Negaki, ingliz tilida yaxshi gaplasha olmayman. Lekin hozirga kelib barchasi iziga tushmoqda. Qolaversa, bu erdagi xalq O'zbekistonni juda yaxshi biladi va yaxshi munosabatda bo'lishadi. 

- Maqsadlaringiz qanday?

- Asosiy maqsadim tezroq safga qaytish hisoblanadi. “Trau”da ko'plab gollarni urgan holda avvalgi darajamga chiqishni istayman. Keyinchalik faoliyatimni kuchliroq bo'lgan chempionatda davom ettirmoqchiman.