Adebayor Ronaldu va Messi haqida: "Leo – eng buyuklardan biri, lekin hatto go'rimda ham Krishtianuni tanlayman"
01 okt 18:36
Yangiliklar
Adebayor Ronaldu va Messi haqida: "Leo – eng buyuklardan biri, lekin hatto go'rimda ham Krishtianuni tanlayman"
– Siz bilan o'ynagan futbolchilar orasida Ronalduni eng yaxshi sifatida tanlaysiz, deb o'ylayman. U kamida gollar bo'yicha ustun.
– Albatta. Faqat gollar bo'yicha emas, balki xarakteri bo'yicha ham. U hech qachon taslim bo'lmaydi. Siz uni jarohat olgan, charchagan deb o'ylaysiz, lekin u maydonga chiqib xet-trik qiladi yoki to'rtta gol uradi. Uning Saudiya ligasida ham gol urayotgani men uchun ajablanarli emas, chunki aynan u shu narsa uchun yashaydi.
– Demak, siz Messini emas, Ronalduni tanlaysiz.
– Bu yaxshi savol, rostini aytaman. Ronalduni tanlayman. Messi futbol tarixidagi eng buyuklardan biri. Men "Real"da unga qarshi to'p tepganman.
Men Ronalduni tanlayman, chunki u bilan mashg'ulot qilganman, u bilan birga o'ynaganman, u nima qila olishini bilaman. Albatta, Messining o'yinlarda nima qila olishini ko'rganman, lekin uning mashg'ulotlarda nima qila olishini bilmayman. Shuning uchun Ronalduni tanlayman.
Men uchun Ronaldu – ajoyib, fantastik futbolchi. Agar siz Ronaldu va Messi orasidan tanlashni so'rasangiz, men hatto go'rimda ham Ronalduni tanlayman, chunki u bilan o'ynaganman va uning qanchalik kuchli ekanini bilaman. Lekin Messi, shubhasiz, eng buyuklardan biri.
Men odamlar nega ularni taqqoslashga uringanini tushunmayman. Ular taqqoslanishi shart emas, ularni o'z olamlarida qoldirish kerak", – dedi "Arsenal", "Manchester Siti" va "Real" sobiq hujumchisi.
O’xshash yangiliklar
championat.asia
Элит ОЧЛ. "Насаф" ўз майдонидаги жанговар ўйинда "Ал Ҳилол"га ютқазди
ЕЧЛ. "Қайрат" ўз майдонида "Реал"га йирик ҳисобда ютқазди, Мбаппедан хет-трик!
Суперлига. Сергеевнинг ягона голи "Пахтакор"га "Сурхон" устидан қийин ғалабани келтирди
Ла Лига. "Барселона" "Реал Сосьедад"га қарши ўйинда камбэк қайд этди, Ямал тушганидан бир дақиқа ўтиб ғалаба голига ассистентлик қилди
Fikrlar
Gnom Qarol. !)))
Messining ikki «Oltin to‘p»i nohaq qo‘lga kiritilgan!
FourFourTwo portali jurnalistlari "Oltin to‘p" tarixidagi eng katta adolatsizliklar reytingini e’lon qildi.
Birinchi o‘rinni "Bavariya"ning sobiq hujumchisi, hozirda "Barselona" futbolchisi Robert Levandovski egalladi. Tahlilchilarning fikricha, 2021 yilda mukofotni argentinalik Lionel Messi emas, aynan u olishi kerak edi.
Ikkinchi o‘rinda "Arsenal"ning afsonaviy fransuz sobiq hujumchisi Tyerri Anri joylashdi. Hujumchi 2003 yilda "Oltin to‘p"ga ko‘proq munosib deb topilgan. O‘sha paytda mukofotni chexiyalik yarim himoyachi Pavel Nedved qo‘lga kiritgan edi.
Kuchli uchlikni Niderlandiya terma jamoasi va Milanning "Inter" klubi sobiq yarim himoyachisi Uesli Sneyder yakunladi. Portal ma’lumotlariga ko‘ra, u 2010 yilda Leo Messiga qaraganda ko‘proq mukofotga loyiq bo‘lgan.