Eslatib o'tamiz, 20 iyun kuni Turkiya - Paragvay (0:1) o'yinida hakam Ivan Barton Migel Almironni Mert Myuldyurga og'zini yopib gapirgani uchun maydondan chetlatgan edi. Raqibga og'zini yopib gapirganlik uchun chetlatish qoidasi Jahon chempionati boshlanishidan oldin joriy qilingan.
Angliyaliklarning o'yinida gonduraslik hakam Said Martines ishlagan edi. O'yindan keyin Paragvay futbol federatsiyasi Bellingemning chetlatilmaganidan noroziligini bildirdi.
"Bellingem og'zini yopdi - va qizil kartochka olmadi?! Paragvaylik futbolchidan farqli o'laroq... Top-jamoalar va yulduz futbolchilarga boshqacha munosabatda bo'linayotganiga bo'lgan shubha kuchayib bormoqda. FIFA aralashishi kerak - qoidalar hamma uchun bir xil bo'lishi shart!
Qoidalarning yangi talqiniga ko'ra, agar og'izni yopib gapirish mojaroli vaziyatda sodir bo'lsa, qizil kartochka ko'rsatilishi kerak. Bu yerda esa mojaro borligida shubha yo'q: o'yinchilar o'rtasida bahs yuzaga kelgani yaqqol ko'rinib turibdi. Ganalik futbolchi qo'llarini yoymoqda va epizodni boshqacha baholayotgani aniq.
Agar ular ochiqchasiga hazillashayotgan bo'lishganida, bu boshqa holat bo'lardi. Lekin hakamlar uchun bunday vaziyatlarda qo'shimcha farqlarni ajratish deyarli imkonsiz.
Ular bahslashmoqda va Bellingem qo'lini og'ziga tutgan. Negaligi qiziq? Albatta, futbolchilar afsuski, bunday qilishga o'rganib qolishgan. Ammo u holda bu qoida barcha futbolchilarga teng qo'llanilishi kerak, yoki uni umuman bekor qilish lozim - buning uchun ham etarlicha dalillar bor.
Hozircha esa Angliya va Bellingemning omadi keldi...", - deb yozdi Grefe.
