25 ёшли футболчининг "қироллик клуби"даги келажаги ноаниқлигича қолмоқда: миш-мишларга кўра, икки томон янги шартнома бўйича келиша олмаяпти, бразилиялик футболчи шу туфайли мавсум тугаганидан кейин сотилиши мумкин.
"Diario AS" хабарига кўра, Неймар Винисиусни унинг хатосини такрорламасликка ва "Реал" билан шартномасини узайтиришга чақирган.
Хато Неймарнинг "Барселона"дан кетиши билан боғлиқ бўлиб, кейинчалик у бундан жуда афсусланган. Юлдуз ҳужумчи рекорд даражадаги 222 миллион евро эвазига ПСЖга ўтганди.
Винисиуснинг Испания гранди билан амалдаги шартномаси 2027 йилнинг ўрталарига қадар амал қилади.
