Мадрид клуби Чемпионлар лигасининг умумий босқичи 1-турида ғалаба қозонди (2:1). "Реал"нинг иккала голи пенальтидан урилди – Килиан Мбаппе икки марта жаримани голга айлантирди.
Иккинчи 11 метрлик жарима тўпи 79-дақиқада Факундо Мединнинг қўлига тўп тегиб кетгани учун белгиланди, у "подкат"да Винисиусдан тўпни олишга уринган эди.
"Мен бу ерда пенальти кўрмаяпман. У "подкат" ташлади, тўп қўлига тегди – бундай ҳолатларда ҳуштак чалинмайди. Агар ҳакам [Карвахалга] қизил карточка бериб, буни қоплаш учун пенальти белгилаган бўлса, унда қизил карточка кўрсатишнинг кераги йўқ эди.
Ҳакам нега пенальти белгилаганини тушуниш учун унинг фактларини эшитмоқчиман", – деди "Марсел" ва "Ман Сити"нинг собиқ ярим ҳимоячиси Canal+ эфирида.
