– Жорий мавсумдаги илк голингиз билан табриклайман. Янги мавсумда ҳам ўтган мавсумдагидек тўпурар Дориевни кўришимиз мумкинми?
– Раҳмат, албатта шунга умид қиламан. Биринчи навбатда, биз ўйинни жуда ёмон бошладик. Буни кутмагандик, лекин олдинга интилдик. Умид қиламанки, кейинги ўйинда бор кучимизни ишга соламиз. "Сўғдиёна"да жамоа янгиланди. Ҳар йили 4 ёки 6 та ўйинчини алмаштирамиз ва бошида мослашиш қийин бўлади. У ерда ҳамма нарса янги. Умид қиламанки, борган сари яхшиланиб борамиз.
– Биринчи бўлимда ажойиб гол урганингизга қарамай, танаффусда захирага олиндингиз.
– Ҳа, оёғимда оғриқ сездим. Умид қиламанки, ҳаммаси яхши бўлади.
– Шимолий Македония терма жамоасига чақирилдингиз. Бугунги голингиз жаҳон чемпионати саралаш ўйинлари олдидан туртки берадими?
– Ҳа, мен тайёрман. Чақирувдан жуда миннатдорман. Бир ярим йилдан сўнг терма жамоага қайтдим ва у ерда ҳам ҳаммаси яхши бўлишига умид қиламан.
– ОКМК дарвозасига кўп гол урасиз. Бу жамоа ҳақида қандай фикрдасиз?
– Ҳа, нима десам экан... ОКМКга қарши ўйнашни яхши кўраман. Менга уларнинг услуби ёқади, чунки улар ҳам биз каби очиқ футбол намойиш этишади ва мен бундан завқланаман.