Shuningdek, Petkovich hakamlar birinchi bo'limdagi qo'pol foli uchun Messini maydondan chetlatishlari kerak bo'lganiga shama qilib o'tdi.
"Uning darajasi - tengsiz. Biz qandaydir qari futbolchi haqida gapirayotganimiz yo'q. Biz sakkiz bor "Oltin to'p"ni qo'lga kiritgan futbolchi haqida gapiryapmiz. Bugun biz uning gol urishini osonlashtirib berdik. U hamma narsani engillik bilan bajarishni biladi. Butun Argentina terma jamoasi ko'p yillardan beri uning boschiligida to'p surmoqda. U aql bovar qilmas ishlarni amalga oshiradi. Argentina raqib darvozasiga o'nta zarba yo'llagan bo'lsa, shundan ettitasi Messi tomonidan amalga oshirildi. Yakunda ular bu uchrashuvda g'alaba qozonishga loyiq edilar.
Uni maydondan chetlatish kerakmidi? Ayni damda taxminiy vaziyatlarga izoh berishdan mano yo'q. Ammo buni hamma, jumladan men ham ko'rdim. O'yindan keyin videoyozuvni tomosha qildim, biroq bu haqda ko'p gapirishni istamayman.
Biz o'zimizdan kuchliroq bo'lgan jamoaga qarshi to'qnash keldik. Agar bugun qandaydir ochko olib ketganimizda, bu katta kutilmagan sovg'a bo'lardi. Qalgan ikkita jamoa ham hali Argentinaga qarshi o'ynashi kerak. Shunday ekan, taqdirimiz hali ham o'z qo'limizda.
Birinchi golda Zidanning xatosi? Men qaysidir futbolchini ayblashga moyil emasman. Lekin o'ylaymanki, biz haddan tashqari ko'p xatolarga yo'l qo'ydik va Argentinaga to'siqsiz zarba berish imkoniyatini yaratib berdik", - dedi Petkovich.
