Шунингдек, Петкович ҳакамлар биринчи бўлимдаги қўпол фоли учун Мессини майдондан четлатишлари керак бўлганига шама қилиб ўтди.
"Унинг даражаси — тенгсиз. Биз қандайдир қари футболчи ҳақида гапираётганимиз йўқ. Биз саккиз бор "Олтин тўп"ни қўлга киритган футболчи ҳақида гапиряпмиз. Бугун биз унинг гол уришини осонлаштириб бердик. У ҳамма нарсани енгиллик билан бажаришни билади. Бутун Аргентина терма жамоаси кўп йиллардан бери унинг босчилигида тўп сурмоқда. У ақл бовар қилмас ишларни амалга оширади. Аргентина рақиб дарвозасига ўнта зарба йўллаган бўлса, шундан еттитаси Месси томонидан амалга оширилди. Якунда улар бу учрашувда ғалаба қозонишга лойиқ эдилар.
Уни майдондан четлатиш керакмиди? Айни дамда тахминий вазиятларга изоҳ беришдан маъно йўқ. Аммо буни ҳамма, жумладан мен ҳам кўрдим. Ўйиндан кейин видеоёзувни томоша қилдим, бироқ бу ҳақда кўп гапиришни истамайман.
Биз ўзимиздан кучлироқ бўлган жамоага қарши тўқнаш келдик. Агар бугун қандайдир очко олиб кетганимизда, бу катта кутилмаган совға бўларди. Қалган иккита жамоа ҳам ҳали Аргентинага қарши ўйнаши керак. Шундай экан, тақдиримиз ҳали ҳам ўз қўлимизда.
Биринчи голда Зиданнинг хатоси? Мен қайсидир футболчини айблашга мойил эмасман. Лекин ўйлайманки, биз ҳаддан ташқари кўп хатоларга йўл қўйдик ва Аргентинага тўсиқсиз зарба бериш имкониятини яратиб бердик", — деди Петкович.
