The Telegraph xabariga ko'ra, Turkiya chempionlari bonus hisobiga "Manchester Yunayted"ga 50 million evro, yarim himoyachining o'ziga esa yiliga 21 million evro "sof" maosh taklif qilmoqchi. Shuningdek, 4 yillik shartnoma imzolagani uchun bonus sifatida yana 4 million evro ko'zda tutilgan. Turkiya soliq tizimini hisobga olgan holda, portugaliyalik futbolchi amalda hozir Angliyadagidan ikki baravar ko'p maosh olardi. Shu bilan birga, MYU o'z sardorini sotish niyatida emas va uni rejalarining muhim qismi sifatida ko'rib chiqmoqda, biroq istanbulliklar baribir yaqin kunlarda 35+15 mln evro taklif qilishi mumkin. Transfer bilan "Galatasaroy" prezidenti Dursun O'zbek shug'ullanayotgani aytilmoqda.
