Германиялик мутахассис франциялик футболчининг ўтган мавсумдаги ўйинидан ва ЖЧ-2026’даги иштирокидан норози.
Жюль Кунде энди “Барселона” учун “тегиниб бўлмайдиган” футболчи эмас.
Испания ОАВ хабарига кўра, каталонияликлар устози Ханси Флик франциялик ҳимоячининг ўтган мавсумдаги ўйин даражасидан ҳафсаласи пир бўлган. ЖЧ-2026’даги муваффақиятсиз иштирок эса сўнгги зарба бўлди. Клубда футболчини сотиш варианти жиддий кўриб чиқила бошланди.
“Барселона” раҳбарияти — президент Жоан Лапорта ва спорт директори Деку Кунде билан хайрлашишга тайёр.
Каталонияликлар ҳимоячини тахминан 50 млн еврога баҳоламоқда. Ваҳоланки, атиги 1 йил олдин клуб футболчи учун келиб тушган 70 млн евро атрофидаги таклифни рад этганди.
Сотувдан тушган маблағни “Барселона” топ-даражадаги марказий ҳужумчи сотиб олишга йўналтиришни режалаштирмоқда.
