Fletcher Ruben Amorim ishdan bo'shatilgandan so'ng, "MYU" bosh murabbiyi vazifasini vaqtincha bajaruvchi etib tayinlandi.
"Ishonish qiyin, lekin hammasi tez hal bo'ldi. Men hayratlanib, g'ururlandim, xayolimga kelgan birinchi fikr ser Aleks [Fergyuson] bilan gaplashish edi. Men ser Aleksga futbolda qabul qiladigan barcha muhim qarorlarim haqida aytib beraman. Uning so'zlari klub manfaati yo'lida harakat qilish kerakligi haqidagi fikrlarimga mos kelardi va men har doim shunga intilganman.
"Manchester Yunayted"ni boshqarish eng dadil orzularimdan ham yuqori edi. Bu menga kutilmaganda nasib etdi va ehtimol, bu yaxshi bo'ldi, chunki o'ylashga vaqtim bo'lmadi. Agar menga bu haqda oldindan aytishganida, ehtimol, bu imkoniyatni qo'ldan boy bergan bo'lardim. Shuning uchun, kutilmaganda berilgan taklif menga tezda javob berishga va tabiiy ravishda harakat qilishga yordam berdi. Yaxshiyamki, men bu klubni bilaman, klubdagi odamlarni taniyman va o'yinchilar bilan tanishman," dedi Fletcher.
