Ushbu juftlik tilga olinganda, futbol muxlislari va ekspertlari darhol maydon tashqarisidagi ulkan media-inqilobni va jahon futbolidagi eng noodatiy statistikani yodga olishadi.
1998 yil 23 iyun kuni Marseldagi "Velodrom" stadionida Braziliya va Norvegiya terma jamoalari o'rtasidagi tarixiy bahs boshlanishidan biroz oldin, maydon markazida haqiqiy nikoh marosimi o'tkazilgan.
Norvegiyalik ashaddiy muxlis Eyvind Ekeland va uning braziliyalik qaylig'i o'n minglab muxlislar hamda millionlab teletomoshabinlar ko'z o'ngida yashil maydonda turmush qurishgan. Kelin-kuyov ananaviy to'y liboslarini Norvegiya terma jamoasining atributlari bilan uyg'unlashtirgan holda maydonga chiqishgan.
Sevishganlar o'z terma jamoalari to'qnash keladigan kuni to'y qilishni va marosimni stadionning o'zida o'tkazishni orzu qilishgan. Buning uchun ular FIFA tashkilotiga (o'sha paytdagi prezident Yozef Blatter nomiga) rasmiy iltimosnoma yuborishgan.
Tashkilot ushbu romantik so'rovni bajonidil qabul qilgan. Bu shunchaki muxlislarning tribunadagi o'zboshimchalik bilan qilgan ishi emas edi. Juftlik FIFA va mahalliy tashkiliy qo'mitadan ushbu marosimni bevosita o'yin maydonida o'tkazish uchun maxsus ruxsat olishga muvaffaq bo'lgan. Juda qatiy qoidalarga ega bo'lgan FIFAning bunday yon bosishi jahon chempionatlari tarixida noyob istisno hisoblanadi.
Eng qizig'i, bu romantik marosim Norvegiya terma jamoasi uchun o'ziga xos omad tumoriga aylangan. Aynan o'sha kuni, to'ydan darhol so'ng boshlangan o'yinda norvegiyaliklar qudratli Braziliyani 2:1 hisobida mag'lub etib, tarixiy mo'jizani amalga oshirishgan.
1998 yilgi mundial doirasida ushbu ikki jamoa o'rtasidagi bahs futbol tarixidagi eng katta media mojarolardan biriga sabab bo'lgan. O'shanda amerikalik hakam Esfandiar Baharmast o'yinning hal qiluvchi pallasida Norvegiya foydasiga penalti belgilaydi. O'yindan keyin butun dunyo OAVlari hakamni keskin qoralab, uni go'yoki braziliyaliklarga nisbatan nohaqlik qilganlikda ayblaydi. Hakamga nisbatan global miqyosda shu qadar kuchli bosim boshlanadiki, bu voqea sport nashrlaridan toshib chiqib, katta ijtimoiy muhokamalarga sabab bo'ladi. Gazetalar "Asr o'g'riligi" qabilidagi sarlavhalar bilan chiqadi.
Biroq ikki kun o'tib, Shvetsiyaning SVT telekanali voqeani maydonning mutlaqo boshqa burchagidan suratga olgan maxsus videoni e'lon qiladi. Videoda braziliyalik himoyachi haqiqatan ham raqib hujumchisini futbolkasidan tortib yiqitgani va hakamning qarori 100 foiz to'g'ri ekanligi isbotlanadi. Bu voqea dunyo matbuotini o'zining shoshma-shosharlik bilan chiqargan xulosalari uchun uyatda qoldiradi. Futbol tarixida bu hodisa telekameralar rakursi qanchalik muhimligini ko'rsatgan va zamonaviy VAR (video yordamchi hakam) tizimi yaratilishiga konceptual jihatdan eng katta turtki bergan maydon tashqarisidagi burilish nuqtasi hisoblanadi.
Norvegiya – Braziliyaga qarshi o'ynab, tarixda hech qachon mag'lub bo'lmagan dunyodagi yagona terma jamoa hisoblanadi. Besh karra jahon chempionlari barcha grandlarni taslim etgan bo'lsa-da, skandinaviyaliklarga kelganda doim qoqilishgan.
JCH-2026'ni Allplay'da tomosha qiling - CHAMPIONATASIA promokodi bilan 45 kun bepul
Promokodni faollashtirish HAVOLASI
