"Биринчи бўлимда гол ура олмаган бошқа ўйинларимиз ҳам бўлган, аммо биз 11 та расмий учрашув ўтказиб, шулардан 10 тасида ғалаба қозондик. Яна бир бор айтаман, турли вазиятларда ғалаба қозонишнинг кўплаб усуллари мавжуд. "Ноттингем Форест" жуда яхши жамоага эга, уларнинг майдонда жойлашуви арчага ўхшайди, бунда рақиб учун ўйнашга бўш ҳудуд қолмайди. Жуда эҳтиёткорлик ва аниқлик билан ҳаракат қилиш керак, акс ҳолда, очиқ ўйинда бўладими ёки стандарт вазиятлардами, жарима майдончасида тартибсизлик юзага келади.
Биз бир неча бор шундай қилдик, бир нечта вазиятлар яратдик, аммо улардан фойдалана олмадик, фарқ ҳам шунда. Ўйин қанчалик узоқ давом этса, бошқачароқ ўйнаш кераклигини шунчалик чуқурроқ англаймиз. Чунки ўйин биз учун хавфлироқ тус олади, биз кўпроқ таваккал қиламиз, буни тушунса бўлади, аммо футболчилар, айниқса, ушбу ўтиш фазаларини назорат қилиш учун муайян ҳудудларни эгаллайдиган ўйинчилар ҳал қилувчи роль ўйнашади.
Охир-оқибат, рақиб футболчилари чарчаши билан манёврлар учун майдонда кенгроқ майдон пайдо бўлишига, қарор қабул қилиш учун кўпроқ вақт бўлишига ва биз самаралироқ ҳаракат қилишни бошлашимизга ишончим комил эди. Якуний фаза футболчилари ўз вазифаларини уддалашди, чунки ўйин ўзгарди. Биз бироз сабр қилишимизга тўғри келди, чунки ўз дарвозамиздан тўп ўтказиб юбормаслик учун ақлварвар қилмас даражадаги куч-ғайратни талаб қилган икки ёки учта вазият юзага келди", — дейди Артетанинг сўзларини Лондон клуби расмий сайти.
