Манба берган маълумотларга кўра, агар 28 ёшли швециялик футболчи яқин 12 ой ичида жамоани тарк этишга қарор қилса, клуб у билан хайрлашишга рози. Бироқ лондонликлар ўз вақтида "Спортинг"га тўланган маблағни тўлиқ қайтариб олиш ниятида.
Форвард 2026/27 йилги мавсум 9 та учрашувда майдонга тушиб, 1 та голли узатмани амалга оширди. 2025/26 йилги мавсумда эса у 55 та ўйинда 21 та гол ва 3 та ассист қайд этганди.
Хабар қилинишича, Гёкереш ўйин амалиёти камлигидан норози ва келаси ёзда жамоадан кетиш масаласини жиддий кўриб чиқмоқда. Шу билан бирга, "Арсенал" 65,5 миллион евролик нарх харидорларни чўчитмайди, аксинча қизиқишни оширади деб ҳисоблайди: Италия, Испания ва АПЛнинг бир нечта клублари вазиятни синчковлик билан кузатиб бормоқда.
Футболчининг "Арсенал" билан амалдаги шартномаси 2030 йил 30 июнгача мўлжалланган. Transfermarkt портали унинг трансфер қийматини 55 миллион еврога баҳоламоқда.
