"Бу мен гувоҳи бўлган ва иштирок этган энг яхши ўйинлардан бири бўлди. Биз ҳам, "Бавария" ҳам энг юқори савияни намойиш этдик. Ҳар иккала жамоа ҳужум қилишни, чиройли футбол кўрсатишни истади. Бу ҳақиқатан ҳам ҳайратланарли тўқнашув эди. "Арсенал" ўйинни яхши бошлади, аммо кейин ажойиб спорт формасида бўлган Букайо Сакани йўқотдик. Вазиятга мослашишга тўғри келди. Тўлиқ устунлик қилиб, биринчи голни уриш учун барчасини қилдик. Кейин улар жавоб қайтаришди, иккинчи бўлим эса жуда тенг курашлар остида кечди. Эҳтимол, танаффусдан сўнг рақиб бироз устунлик қилгандир. Белгиланган пенальтига тўғри муносабат билдиришимиз керак эди ва буни уддаладик. Жамоа мустаҳкам характер ва юксак маҳорат кўрсатди.
Эришган натижамизни ҳурмат қилиш керак. "Бавария"нинг сўнгги уч йилдаги барча уй ўйинларини кўриб чиққанман, улар ҳар доим барчадан устун бўлган ва жуда кўп гол урган. Бугун йигитлар кўрсатган ўйинни чиндан ҳам юқори баҳолайман", – дея Артетанинг сўзларини келтиради УЕФА расмий сайти.
"Бавария" 3 очко билан ЕЧЛ умумий босқич жадвалида 14-ўринда бормоқда. "Арсенал" эса 7 очко билан 7-поғонани банд этган.
