Angliya Premer-ligasi hakamlar assotsiatsiyasi (Pro Ref) 4-tur doirasida o'tgan "Manchester Yunayted" va "Manchester Siti" (0:1) uchrashuvining 60-daqiqasida "shaharliklar" hujumchisi Erling Xoland kiritgan gol vaziyatida xatoga yo'l qo'yilganini e'lon qildi. O'yinni Maykl Oliver boshchiligidagi hakamlar brigadasi boshqarib borgan edi.
"Enco Fernandes to'pga tegmagani aniqlandi, shuning uchun ofsayd bilan bog'liq har qanday qoidabuzarlik subektiv xarakterga ega. Biroq bu holatda VAR tizimi uning turgan joyining ehtimoliy oqibatlarini hisobga olmadi va maydonda videotakrorni ko'rishni tavsiya qilishi kerak edi. Bugun kechqurun biz "Manchester Yunayted" klubi bilan bog'lanib, vaziyatni baholashda xatoga yo'l qo'yilganini tan oldik. Hodisa yuzasidan surishtiruv o'tkaziladi", - deya BBC nashri tarqatgan bayonot matnini keltiradi.
