Ular ishonchdan chiqdilar. To'g'ri, hammasi emas. Lekin juda ko'pchiligi xalq va hukumat ishonchini buzdilar. Endi hakam yaxshi bo'ladimi, yomon bo'ladimi farqi yo'q, yillar ketadi ishonchni qaytarishga.

Muxtorov 5 yildan keyin, Tuxtasinov 1 yildan keyin qaytadi, lekin ularga endi hech kim ishonmaydi. Najafaliev yoshlik kilgani uchun kechirildi. Ertaga maydonga chiqib insoniy faktor bo'yicha xato qilsa ham endi ularda tamg'a bor va u kyetmaydi.

Endi kechagi o'yin. Bu erda "Neftchi" muxlislarini ayblash kerak emas. Final deya etirof etildimi uchrashuv, finaldek munosabat bo'lishi kerak edi. Muxlislar sonidan kelib chikib IIB qo'yilmagan. O'yindan keyin istagan odam maydonda yuribdi, beyjik nima uchun? Maydonga tushib ketgan muxlislarni aytmayapman. O'yin komissari, aslida o'yin tizgini chiqarib yubordi. Uchrashuv tugaganidan keyinoq hakamlarni miliciya bilan o'ratib, maydon markazida ushlab turish kerak edi. Bu jahon praktikasi, o'ylab topib yozmayapman. O'rtada miliciya tomonidan o'ralgan xakamlarga shundan keyin birov tegina olarmidi, yo'q albatta.

Xullas bu o'yindagi muammo tashkilotchilikda bo'ldi. Anavi "karatist" esa bir umrga futboldan chetlatilishi kerak edi. Kuni kecha "Neftchi"ni 4 nafar yosh bolasi uyimda turib ketdi 3 hafta davomida. Ular mana shu o'yinni hammadan ham ko'prok kutishdiki, "Neftchi" Superligaga chiqsa bizga klub qarar ekan, to'plar berar ekan, musobaqalar qilar ekan deb.

Lekin kecha "Neftchi" safida maydonga tushgan "futbolchilar" yillar davomida "Neftchi" logotipini brendga aylantirgan afsonalarning harakatini bir pul qildilar. Bu futbolchilar arzimaydi bu futbolkani kiyib yurishga.

"Dinamo"ni yut, bo'ldi edi. "Turon" gol urguniga qadar, 50-80 daqiqalar oralig'ida "Neftchi" nima qildi? 0:0 ushlashni o'yladi va raqibni o'z jarima maydonchasi ichiga yaqinlashtirib qo'ydi.

Bu o'yin balki kecha bizga zo'r ko'ringandir, lekin katta Superliga saviyasida hech nima emas edi.

"Neftchi" ana o'sha 10 muxlisdan iborat emas. Shuning uchun kimnidir haqorat qilishdan avval nomma-nom gapiraylik. "Neftchi" buyuk klub, ammo endi 5-6 nafar avom uchun javob berishga majbur afsus...

Men juda istagan edim bu klubni oliy ligada ko'rishga. Nima uchundir ligani Superliga deb atay olmayman. Superliga deb o'zgartirishdan maqsad liganing saviyasini ko'tarish edi. Lekin yana o'sha medalistlar, yana o'sha autsayderlar.

"Turon"ga esa omad tilayman. Uning rahbariga 5 baho! "Obod"dan keyingi ikkinchi hususiy jamoa bo'la oldi. Ishqilib, "Obod"ni kuni tushmasin.

10 nafar muxlis bilan "Neftchi"ga baho bermaylik, "Turon"ga omad