⚡️Bild: Йоахим Лёв Ўзбекистон терма жамоаси таклифини рад этди
13 aug 14:45
News

⚡️Bild: Йоахим Лёв Ўзбекистон терма жамоаси таклифини рад этди

Германиялик Жаҳон чемпиони Ўзбекистон терма жамоасида ишламайдиган бўлди.

Хабарингиз бор, ЎФА 2014 йил Германия билан жаҳон чемпиони бўлган Йоахим Лёвга таклиф билан чиққан эди.

Дунёга машҳур Bild нашрига кўра, Йоахим Лёв Ўзбекистон футбол Ассоциацияси вакиллари билан Берлиндаги Ўзбекистон элчихонаси ёрдамида онлайн музокара ўтказган. Лёв бу таклиф устида бир неча кун жиддий ўйланган ва якунда "мулойимлик" билан рад жавобини берган.

Эслатиб ўтамиз, 65 ёшли мутахассис 2014 йил Германия терма жамоасини Жаҳон чемпиони қилган ва ўша йили ФИФА томонидан дунёнинг энг яхши мураббийи деб топилган. Лёв 2021 йилнинг март ойида Германия терма жамоаси бошқарувидан кетган ва ўшандан бери ҳеч қаерда ишламаган.