Ибрагимовичнинг ўғли "Милан"нинг Италия Суперкубоги учун қайдномасидан жой олди
17 dec 2025 13:58
News

Ибрагимовичнинг ўғли "Милан"нинг Италия Суперкубоги учун қайдномасидан жой олди

Tags : Златан Ибрагимович Максимилиан Ибрагимович

"Милан" Златан Ибрагимовичнинг ўғлини Италия Суперкубоги учун қайдномага киритди.

Златан Ибрагимовичнинг ўғли Максимилиан "Милан" сафида Италия Суперкубогида майдонга тушиши мумкин.

"Россонерилар" бош мураббийи Массимилиано Аллегри 19 ёшли Максимилиан Ибрагимовични турнир учун жамоа қайдномасига киритди. Бундан ташқари, таркибдан "Милан Футуро" аъзолари — 20 ёшли Маттео Дуту ва 17 ёшли Валерий Владимиров, шунингдек, ёшлар жамоасидан 18 ёшли Эмануэле Сала ва 17 ёшли Эмануэле Борсани ҳам ўрин олган.

Жароҳат олган Сантьяго Хименес ва Маттео Габбия жамоа билан Саудия Арабистонига бормайди.

Италия Суперкубоги ярим финалида "Милан" "Наполи" билан куч синашади – учрашув 18 декабрь, пайшанба куни бўлиб ўтади. Финал эса душанба, 22 декабрь кунига белгиланган.

Link :

Source : Football Italia

Receive latest football news directly on your phone. Subscribe for our Telegram channel!

Rating: +2