Зидан тарихдаги энг яхши жамоани айтди, бу "Реал" эмас
13 окт 2025 17:22
Янгиликлар

Зидан тарихдаги энг яхши жамоани айтди, бу "Реал" эмас

Мадриднинг "Реал" жамоаси собиқ бош мураббийи, Франция терма жамоаси билан жаҳон чемпиони бўлган Зинедин Зидан жаҳон футболи тарихида қайси жамоани энг кучли деб билиши ҳақида гапирди.

Францияликнинг фикрича, Арриго Сакки қўл остидаги "Милан" ҳамон унутилмас.

"Таркибида Ван Бастен, Райкард, Гуллит, Барези ва Мальдини бўлган ўша "Милан" ҳақиқатан ҳам феноменал эди. Улар амалда ҳамма нарсани ютган ва ажойиб жамоавий футбол намойиш этган. Сакки жамоаси ҳақиқий санъат асари эди", – деди Зидан.

Арриго Сакки 1987 йилдан 1991 йилгача "россонери"ни бошқарган ва 1996/97 йил бир мавсумга қайтган. "Милан" унинг бошчилигида қўл остида Италия чемпиони бўлган, Италия Суперкубогини қўлга киритган, икки марта Европа Чемпионлар Кубогини ютган, шунингдек, УЕФА Суперкубоги ва Қитъалараро Кубогида ғолибликка эришган.

Ҳавола :

Манба : sempremilan.com

Янгиликларни Телеграмда ўқинг!

Рейтинг: +15