- Ўйин ҳақида
- Бу ўйинга жиддий тайёрлангандик. Чунки рақиб жамоа ва биз ўхшашмиз. "Республика ФА" давлат лойиҳаси, биз эса хусусий жамоамиз. Лекин икки жамоада ҳам деярли тенгдошлар ўйнашади. Бу икки клуб бир бирига жуда ўхшаш. Ўйинга келсак, бугун болалар борини беришди ва ҳақли ғалабага эришишди.
- Бугун ҳар бир голдан кейин футболчиларингиз трибуна томон қандайдир ишоралар қилишди, худди ютқазётгандек тўпни марказга олиб келиб қўйишди. Бунга сабаб нима бўлди?
- Бугун йигитларнинг мотивацияси ўта юқори эди. Шу сабаб бўлди.
- Бугун интригага бой ўйин бўлиши керак эди, лекин бундай ҳисоб қайд этилишини ҳеч ким кутмаганди. Бу сизнинг жамоангизни иштиёқи билан боғлиқмиди ё рақибнинг ўйини чиқмагани биланми?
- Рақиб жамоа ҳақида бир нима дея олмайман. Лекин биз бу ўйинга жуда жиддий тайёрлангандик. Йилнинг бошидан бери параллел ривожланиб келаётган икки лойиҳа эди бугунги икки жамоа. Йигитлар ўз кучини майдонда кўрсатди.
- Жамоанинг баъзи бир етакчи футболчилари кетиши ҳақидаги хабарлар қанчалик рост?
- Вақти келса барчасини билиб оласиз, ҳозир ҳеч нарса дея олмайман. Лекин икки уч нафар ўйинчиларимиз кетиши кутилмоқда. Бугун уларни ўрнини босадиган йигитларни кўрдингиз. Жамоамизнинг фалсафаси ҳам шундай - болани ривожланади, кетади, ўрнига янгиси келади. Тизимга тушиб олдик, энди кўпроқ футболчиларни тарбиялашга ҳаракат қиламиз.
