Хави «Атлетико» устидан қозонилган йирик ғалабадан сўнг нималар деди?

«Балки «Барселона»нинг жорий мавсумдаги энг яхши ўйинлардан биридир. Бугунги ўйин «Наполи»га қарши баҳсни эслатиб юборди. Биз бугун яхши ҳаракат қилдик. Лева ажойиб ўйин кўрсатди, бу мақтовларни Фермин ва Жоуага ҳам ишлатсак бўлади. Биз бугун зўр ҳужум ташкил қилдик, рақибнинг бўш зоналарини яхши топдик. Бугунги учрашув биз учун идеал бўлди.

Биз «Барселона»миз ва биз ҳеч қачон курашдан воз кечмаймиз. Мен ҳар қачонгидан ҳам кўпроқ футболчиларимга босим ўтказишда давом этаман. Биз иккита муҳим мусобақада яхши иштирок этишимиз керак. Биз таркибдаги футболчилардан кўпроқ нарса талаб қилишимиз керак» , — деди Хави.

«Барселона» кечаги ғалабадан сўнг Ла Лиганинг турнир жадвалида 2-поғонага кўтарилиб олди.