– Яхши рақибга қарши ўйин ўтказдик. Натижа яхши, ўйин сифатимизга саволлар бор. Рақиб ёшлардан иборат ажойиб жамоа экан.
– Тома Табатадзе гол уролмай келаётганди. Бугун у гол урди. Бу унинг кейинги ўйинларига қандай таъсир кўрсатиши мумкин?
– Унинг жисмоний ҳолати бўйича саволлар бор. Шунинг учун унга ўйин амалиёти бердик. Ҳаммаси ўзига боғлиқ.
– Кейинги ўйинда Суперлига пешқадамига қарши сафарда ўйин кутиб турибди. Бугунги ўйин бу учрашувга тайёргарлик кўриш учун қанчалик аҳамият касб этди?
– Биз ҳар бир расмий ўйинга жиддий ёндошамиз. Бугун ротация қилдик. Йигитлар ўзларини тиклаб олишларига эътибор берамиз. Олмалиққа қарши майдонга тушиш имконияти ҳаммада бор. Албатта, эртадан ОКМКга қарши ўйинга тайёрланамиз.
– "Андижон"га қарши ўйиндан олдин дубль қайд этган ўйинчига автомобил ваъда қилинганди. Суперлига пешқадамига қарши ўйиндан олдин ҳам шундай ваъдалар борми?
– Бу ҳаммаси ҳомийларга боғлиқ. Биз йигитларга стимул беришларига қарши эмасмиз. Биз бунга фақат ҳа деймиз.
